HUBAZiKu zabaranili publikavać «pakajalnyja videa». Ciapier jany vystaŭlajuć «pakajalnyja aŭdyja»
7.12.2024 / 13:53
Apošniaje videa z zatrymanym, dzie byŭ bačny jahony tvar, vyjšła na kanał HUBAZiKa 30 kastryčnika 2024 hoda. Ale siłaviki nie zdoleli abyścisia biez kantentu z prynižeńniem zatrymanych biełarusaŭ.
Skrynšot z apošniaha videa HUBAZiK
U apošnija dva dni HUBAZiK adkryŭ dla siabie novy farmat kantetu z prynižeńniem zatrymanych. Ciapier jany nie pakazvajuć tvar čałavieka, a padstaŭlajuć videašerah pad zapisanaje aŭdyja z hołasam zatrymanych.
Heta śviedčyć pra toje, što jany ŭsio ž zapisvajuć videa z zatrymanymi, ale nie vykładajuć ich.
Nahadajem, 30 kastryčnika 2024 hoda ŭ telehram-kanale «Hrafač», blizkim da ministra infarmacyi Marata Markava, vyjšaŭ zaklik bolej nie publikavać «pakajalnyja videa»: «Jość mierkavańnie, što jany ŭžo vykanali svaju rolu. … Efiekt užo dasiahnuty, i dalejšy pryjom navat samych karysnych lekaŭ moža mieć pabočki».
Paśla hetaha, vyhladaje, hubazikaŭcam zahadali admovicca ad raniejšaj represiŭnaj praktyki. Na praciahu miesiaca siłaviki prysłuchoŭvalisia da padkazki, a ciapier znajšli sposab farmalna abyści jaje.