Łukašenka daŭ prytułak sudździ Šmitu, jaki ŭciok z Polščy
22.11.2024 / 18:7
Taki ŭkaz Łukašenka padpisaŭ siońnia.
Polski sudździa Tomaš Šmit. Fota: BiełTA
Polskamu sudździ Tomašu Šmitu, jaki ŭciok, u Biełarusi pradastaŭleny prytułak.
Taki ŭkaz padpisaŭ Alaksandr Łukašenka. DziaržSMI tłumačać, što prytułak Šmitu dali tamu, što ŭ Polščy jon nibyta pieraśledujecca pa palityčnych matyvach.
Tomaš Šmit, jaki pracavaŭ sudździoj Administracyjnaha vajavodskaha suda ŭ Varšavie, źbieh u Biełaruś u traŭni 2024 hoda. Tady jon ža paprasiŭ ab prytułku.
U Biełarusi Šmit aktyŭna razdavaŭ intervju prapahandystam, a paśla jon uładkavaŭsia na pracu ŭ BiełTA.
U Polščy Šmita padazrajuć u špijanažy na karyść Biełarusi i Rasii. Pavodle źviestak polskich siłavikoŭ, u sudździ byli praciahłyja kantakty sa śpiecsłužbami dźviuch krain. Sudździ pahražaje pažyćciovaje źniavoleńnie.