Filipienka zahavaryŭ na biełaruskaj movie i paabiacaŭ na joj vydać svaju nastupnuju knihu
14.06.2024 / 18:33
Piśmieńnik Saša Filipienka treci miesiac pravodzić jeŭrapiejskaje turne, padčas jakoha siarod inšaha imkniecca raskazvać hramadstvam krain Jeŭropy pra toje, što nasamreč adbyvajecca ŭ Biełarusi. Jon raskazaŭ pra heta Dźmitryju Hurnieviču na «Radyjo Svaboda».
Saša Filipienka. Skrynšot ź videa
Admietna, što rasiejskamoŭny piśmieńnik Saša Filipienka daŭ hetaje intervju na dobraj biełaruskaj movie.
Jon udziačny krakaŭskamu vydaviectvu Guttenberg, jakoje vydała jahonyja knihi «Były syn» i «Kremulatar» pa-biełarusku i anansavaŭ praciah hetaj praktyki. U budučyni płanujecca pierakłaści na biełaruskuju i vydać usie jahonyja knihi.
Novaja kniha, jakuju ciapier Filipienka piša, jak jon spadziajecca, spačatku vyjdzie pa-biełarusku, i tolki paśla pa-rasiejsku. Abo, u krajnim vypadku, abodva vydańni vyjduć adnačasova.