6723. Stolki biełarusaŭ prahałasavali na vybarach u Kaardynacyjnuju radu
28.05.2024 / 0:0
U 23.00 27 maja skončyłasia trochdzionnaje hałasavańnie ŭ Kaardynacyjnuju radu 3-ha sklikańnia. Usiaho prahałasavać navažylisia 6723 biełarusy.
Pa dniach addadzienyja hałasy raźmierkavalisia tak:
- subota, 25 maja — 2463
- niadziela, 26 maja — 2177
- paniadziełak, 27 maja — 2083.
Vybary pravodzilisia ŭ ciažkich umovach, kali kandydaty i vybarščyki padviarhajucca pieraśledu z boku režymu Łukašenki, jaki pryznaje i Kaardynacyjnuju radu, i vybarnyja śpisy «ekstremisckimi farmiravańniami», za spryjańnie dziejnaści jakim moža pahražać realny turemny termin.
Kab pieraškodzić praviadzieńniu vybaraŭ, ad samaha ich pačatku na sajt dla hałasavańnia była arhanizavana maštabnaja DDoS-ataka. Taksama pieršy dzień vybaraŭ adznačyŭsia pierabojami ź internetam u Biełarusi i błakavańniem VPN, bieź jakoha hałasavańnie moža być niebiaśpiečnym dla tych, chto zastajecca ŭnutry krainy.