Za sutki biełarusy sabrali 5000 jeŭra dla Aliny Nahornaj i Ihara Słučaka
26.10.2023 / 19:45
Usiaho sutki spatrebilisia biełarusam, kab sabrać nieabchodnyja na pieršy čas emihracyi 5000 jeŭra dla siamji aktyvistaŭ, jakich evakujavaŭ «Bajsoł».
Zbor pakul nie zakryty, jon dastupny pa spasyłcy, jak paviedamlaje Andrej Stryžak.
Pra toje, što siamja Ihara Słučaka i Aliny Nahornaj evakujavanaja ŭ Vilniu, stała viadoma ŭčora. Alina i Ihar viadomyja jak abaroncy moŭnych pravoŭ biełarusaŭ. U ich dvoje dziaciej.