Paleścinskija bajeviki zajavili, što zachapili ŭ pałon bolš za 130 izrailcian
9.10.2023 / 6:54
Urad Izraila pakul nie davaŭ dakładnych acenak kolkaści hramadzian, zachoplenych u pałon bajevikami CHAMAS.
Skrynšot videa z kamiery ŭ aŭtamabili
Bajeviki CHAMAS padčas napadu na Izrail zachapili ŭ zakładniki bolš za 100 čałaviek, u tym liku vysokapastaŭlenych čynoŭnikaŭ, zajaviŭ pradstaŭnik CHAMAS Musa Abu Marzuk.
Kiraŭnik paleścinskaj hrupoŭki «Isłamski džychad» Zijad al-Nachała paviedamiŭ, što jaho bajeviki pałanili kala 30 izrailcian.
Jon padkreśliŭ, što zakładniki viernucca dadomu tolki kali paleścinskija viaźni buduć vyzvalenyja ź izrailskich turmaŭ.
Urad Izraila nie davaŭ dakładnych acenak kolkaści hramadzian, zachoplenych u pałon bajevikami CHAMAS. Ličyłasia, što ŭ pałonie mohuć być ad 150 da 200 čałaviek.
Pa danych ŚMI, siarod zakładnikaŭ mohuć znachodzicca hramadzianie inšych krain, u pryvatnaści ZŠA, Niamieččyny i Tajłanda.
Čytajcie taksama:
AAN: Siektar Haza moža zastacca biez elektryčnaści praź niekalki dzion
Kroŭ i ahoń. Strašnyja FOTY ź Izraila i Hazy
240 ciełaŭ znojdzienyja na miescy praviadzieńnia muzyčnaha fiestyvalu paśla rejdu paleścincaŭ — ŚMI
Druhi dzień paleścina-izrailskaha kanfliktu: amal tysiača zahinułych i tysiačy paranienych