Вучэнняў «Захад» сёлета не будзе — цяпер афіцыйна
4.09.2023 / 17:35
Пра гэта сказаў міністр абароны Расіі Сяргей Шайгу.
Вучэнні «Захад-2021». Фота: Мінабароны Беларусі
Раней пра адмену традыцыйных беларуска-расійскіх вучэнняў «Захад-2023» паведамляла на падставе сваіх крыніц брытанская разведка. Паводле яе, гэта адбываецца праз недастатковую колькасць войскаў і тэхнікі, даступных для ўдзелу ў вучэннях. Да таго ж нездавальняючыя вынікі расійскіх вайскоўцаў ва Украіне паказалі, што стратэгічныя вучэнні маюць абмежаваную навучальную каштоўнасць і ў асноўным носяць паказны характар.
Асабліва няма сэнсу ў такіх вучэннях тады, калі расійская армія бярэ ўдзел у рэальнай вайне.
З 2010 года Расія ў рамках чатырохгадовага цыкла праводзіць вучэнні ў розных рэгіёнах краіны і ў Беларусі. Апошнія вучэнні адбыліся ў 2021 годзе. Так як расійскае вайсковае камандаванне лічыць прыярытэтам супрацьстаянне пагрозе з боку НАТА, то наступныя вучэнні павінны былі прайсці ўжо ў 2023 годзе.
Чытайце таксама:
На трасу М-1 сёння саджалі транспартныя самалёты
Польшча патлумачыла, чаму адмовілася назіраць за вучэннямі АДКБ у Беларусі
Хрэнін: Польшча не адказала на запрашэнне на вайсковыя вучэнні