Грамадства

Лукашэнка былому міністру сельскай гаспадаркі: Табе трэба зазямляцца. Калі ты ўспрымаеш гэта як ссылку, гэта твае праблемы

Падчас чарговага кадравага дня Аляксандр Лукашэнка звярнуўся да Ігара Брыло, якога зняў з міністэрскай пасады і адправіў у Віцебскую вобласць памочнікам.

«Табе, Ігар, я ўжо казаў. Калі ты гэта ўспрымаеш як ссылку — гэта твае праблемы. Табе трэба прайсці гэты этап. І калі ты там возьмешся моцна, то і вынік будзе, і для цябе асабіста будзе вельмі карысны вынік. <…>. Цяпер трэба зазямляцца, калі ты думаеш далей працаваць. Табе да пенсіі — як да Госпада Бога. Таму трэба запрагацца і паказваць вынік. Гэта мая табе прапанова», — цытуе Лукашэнку БелТА.

Брыло раней дазваляў сабе пярэчыць Лукашэнку, што вялікая рэдкасць для цяперашняй наменклатуры.

Чытайце таксама:

Лукашэнка зняў міністра сельскай гаспадаркі Ігара Брыло

Лукашэнка прызначыў двух новых міністраў, змяніў кіраўнікоў «Беларусьфільма» і ключавых прадпрыемстваў

Каментары да артыкула