Vajna

Ukraina, imavierna, atrymaje F-16 da kanca hetaha hoda

Adnak u Biełym domie nie ličać, što tolki F-16 zmohuć źmianić situacyju na poli boju.

Źniščalnik F-16. Fota: CT757fan. Getty Images

ZŠA mohuć pieradać Ukrainie źniščalniki F-16 da kanca hetaha hoda. Pra heta zajaviŭ kaardynatar stratehičnych kamunikacyj Biełaha doma Džon Kirbi ŭ intervju telekanału Fox News, piša «Ukrainskaja praŭda».

«F-16 pastupiać va Ukrainu, chutčej za ŭsio, da kanca hoda. Ale my nie ličym, što tolki F-16 zmohuć źmianić situacyju na poli boju», — skazaŭ Kirbi.

Kirbi dadaŭ, što ciapier Ukrainie treba bolš artyleryjskich snaradaŭ.

U ZŠA ličać, što ciapierašni patencyjał supraćpavietranaj abarony i pavietranych sił Rasii stvaraje «nie idealnyja ŭmovy» dla pastaŭki Ukrainie amierykanskich źniščalnikaŭ F-16 ciapier.

Vučeńni ŭkrainskich piłotaŭ na źniščalnikach F-16 jašče nie pačalisia, čakajecca vyjezd pieršaj hrupy lotčykaŭ, jakija padrychtavalisia da vučeńniaŭ, u pryvatnaści, zasvoiŭšy anhlijskuju.

Čytajcie taksama:

Łaŭroŭ pryraŭniaŭ fakt źjaŭleńnia samalotaŭ F-16 va Ukrainy da pahrozy ŭ jadziernaj śfiery

Kamientary da artykuła