BIEŁ Ł RUS

Hramadstva

Žycharku Žłobina asudzili za ŭdzieł u pratestach, paznaŭšy pa kašuli

11.07.2023 / 21:52

Nashaniva.com

U sudzie Žłobinskaha rajona vyniesieny prysud jašče adnoj udzielnicy žnivieńskaj akcyi pratestu 2020 hoda. 21-hadovuju Łalitu Kozyravu abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo ŭdziele ŭ ich pavodle č. 1 art. 342 KK. Spravu razhladała sudździa Natalla Kačałava, piša «Viasna».

Pa materyjałach abvinavačańnia, Łalita nibyta vychodziła na prajeznuju častku, plaskała ŭ dałoni, kryčała, vykrykvała łozunhi, admaŭlałasia ad vykanańnia patrabavańniaŭ supracoŭnikaŭ milicyi.

Zhodna z pratakołam ahladu pradmietaŭ, byli zafiksavany charaktarystyki kašuli, kanfiskavanaj u Kozyravaj. Pry ahladzie kašuli i supastaŭleńni jaje ź videafajłami kamier videanazirańnia ŭstanoŭlena, što mienavita ŭ joj jana była ŭ toj viečar na akcyi pratestu.

Sud pastanaviŭ pryznačyć dziaŭčynie abmiežavańnie voli biez nakiravańnia ŭ papraŭčuju ŭstanovu adkrytaha typu na termin adzin hod i šeść miesiacaŭ.

Čytajcie taksama:

Puškina pryvieźli ŭ balnicu nieprytomnym — «Radyjo Svaboda»

Palitviazień Jaŭhien Hovar vyjšaŭ na volu

Mikałaj Kazłoŭ patrapiŭ u špital z branchitam

Čytajcie taksama:

Kamientary da artykuła