Зяленскі ўвёў санкцыі супраць шасці беларускіх кампаній і двух бізнэсоўцаў
1.07.2023 / 13:26
Прэзідэнт Украіны падпісаў указ, якім уводзяцца новыя персанальныя санкцыі супраць 192 фізічных асоб і 291 юрыдычнай. У спіс трапілі шэсць кампаній з Беларусі.
Уладзімір Зяленскі. Фота: яго прэс-служба
Пад санкцыі трапілі:
- ААТ «Зеніт-БелОМА»,
- ААТ «Завод «Оптык»,
- сумеснае беларуска-германскае прадпрыемства «Цэйс-БелОМА»,
- ААТ «Рагачоўскі завод «Дыяпраектар»,
- ТАА «КБ Беспілотныя верталёты»,
- РУП «Навукова-вытворчы цэнтр шматфункцыянальных беспілотных комплексаў» НАН Беларусі.
Таксама санкцыі ўвялі супраць двух грамадзян Беларусі: Аляксандра Мароза (гендырэктара Мінскага завода імя Вавілава — кіроўная кампанія холдынгу «БелОМА») і Аляксея Шкадарэвіча (навукоўца ў галіне лазернай фізікі і прыборабудавання НАН Беларусі).