Hramadstva

Kampramis miž Pucinym i Pryhožynym dasiahnuty pry pasiarednictvie Łukašenki — jaho pres-słužba

Pres-słužba Łukašenki paviedamiła, što Łukašenka pa damoŭlenaści z Pucinym vioŭ pieramovy z Pryhožynym i nibyta dabiŭsia pośpiechu.

Pavodle pres-słužby Łukašenki, kali siońnia ranicaj prezident Rasii Uładzimir Pucin prainfarmavaŭ Łukašenku pra situacyju, jany damovilisia nakont sumiesnych dziejańniaŭ.

Paśla taho Łukašenka vyjšaŭ na suviaź ź Jaŭhienam Pryhožynym. Pieramovy doŭžylisia ŭvieś dzień, i ŭ vyniku baki «pryjšli da damoŭlenaści ab niedapuščalnaści raźviazvańnia kryvavaj bojni na terytoryi Rasii».

Jaŭhien Pryhožyn nibyta pryniaŭ prapanovu Łukašenki ab spynieńni ruchu ŭzbrojenych vahnieraŭcaŭ na terytoryi Rasii i dalejšych krokach pa deeskałacyi napružańnia.

«Na hety momant na stale — absalutna vyhadny i prymalny varyjant raźviazvańnia situacyi, z harantyjami biaśpieki dla bajcoŭ PVK «Vahnier», — śćviardžaje Łukašenkava pres-słužba.

Čytajcie taksama:

Łukašenka na fonie padziej u Rasii pravioŭ dźvie narady

«Zdradniki Radzimy paniasuć niepaźbiežnuju karu». Jak vyhladajuć hałoŭnyja staronki biełaruskich dziaržaŭnych miedyja na fonie miaciažu ŭ Rasii

Rada biaśpieki Biełarusi zaklikała, kab pradoŭžyłasia «ciažkaja, vymušanaja i apraŭdanaja misija pa abaronie ruskich ludziej na Danbasie»

Kamientary da artykuła