Пуцін павіншаваў кіраўнікоў краін СНД з Днём Перамогі. Апроч адной краіны
8.05.2023 / 12:20
Кіраўнік Расіі замест прэзідэнта павіншаваў народ гэтай краіны.
Уладзімір Пуцін 9 мая 2022 года. Скрыншот відэа
Уладзімір Пуцін накіраваў віншавальныя пасланні з нагоды 78-годдзя Перамогі лідарам Азербайджана, Арменіі, Беларусі, Казахстана, Кыргызстана, Таджыкістана, Туркменістана, Узбекістана, а таксама непрызнаных у свеце Абхазіі і Паўднёвай Асеціі, паведамляе яго прэс-служба.
Маю Санду Пуцін не віншаваў, а адправіў пасланне народу Малдовы.
Раней паведамлялася, што Пуцін запрасіў у Маскву на Парад Перамогі лідараў Таджыкістана і Туркменістана Эмамалі Рахмона і Сердара Бердымухамедава.